სიცოცხლის დაზღვევის შემთხვევაში, მოსარგებლ(ებ)ეს წარმოადგენს დაზღვეულის კანონისმიერი მემკვიდრე(ები). ამასთან, დაზღვეულს შეუძლია წინასწარ დაასახელოს  მოსარგებლე, რა შემთხვევაშიც, ანაზღაურების სრული თანხა დასახელებულ მოსარგებლეს გადაეცემა. 
კრიტიკული დაავადებების დაზღვევის შემთხვევაში, მოსარგებლე არის დაზღვეული.

ანაზღაურების ლიმიტი ის თანხაა, რომელსაც დაზღვეული ირჩევს დაზღვევის გაფორმებისას.
თუ ნაყიდია ორივე პროდუქტი, ანუ სიცოცხლის და კრიტიკული დაავადებების დაზღვევა, ანაზღაურების ლიმიტი თითოეულისთვის განისაზღვრება ცალ-ცალკე.

სესხთან დაკავშირებული დაზღვევა, მხოლოდ ბანკის წინაშე არსებულ ვალდებულებებს ფარავს. არასავალდებულო სიცოცხლის დაზღვევის შემთხვევაში კი, სადაზღვევო თანხა დაზღვეულის მიერ წინასწარ დასახელებულ მოსარგებლეს, ან კანონისმიერ მემკვიდრეს გადაეცემა.

გაუთვალისწინებელი და მოულოდნელი შემთხვევა, გამოწვეული გარეგანი ძალ(ებ)ის (მაგალითად: ხანძარი, მიწისძვრა, ტრავმა, ავტოავარია და სხვა) ზემოქმედებით, რომელიც დაზღვეულის გარდაცვალების მიზეზია.

მოსარგებლე ვალდებულია სადაზღვევო შემთხვევიდან არაუგვიანეს 30 დღის განმავლობაში აცნობოს ამის შესახებ მზღვეველს ცხელ ხაზზე *4222 ან ელ. ფოსტის მეშვეობით: life@tbcinsurance.ge. 
სიცოცხლის დაზღვევის შემთხვევაში, სადაზღვევო შემთხვევას წარმოადგენს დაზღვეულის გარდაცვალება, კრიტიკული დაავადებების დაზღვევისას კი, კრიტიკული დაავადების დიაგნოსტირება.

სადაზღვევო ანაზღაურების შესახებ გადაწყვეტილების მიღება და ანაზღაურების გაცემა ხდება ყველა საჭირო საბუთის ჩვენთვის მოწოდებიდან 15 დღის განმავლობაში.

დაზღვევის გაუქმება შესაძლებელია ნებისმიერ დროს. ამისთვის დაზღვეულმა უნდა მოგვმართოს წერილობითი მოთხოვნით. გაუქმება მოხდება მოთხოვნის ჩვენთვის მოწოდებიდან 5 (ხუთი) კალენდარულ დღეში.

დაზღვევის შესაძენად საჭიროა ონლაინ სამედიცინო კითხვარის შევსება. კითხვარში მითითებული ინფორმაცია განსაზღვრავს დამატებითი სამედიცინო კვლევების ჩატარების საჭიროებას.

მიუხედავად იმისა, რომ ჯანმრთელობის დაზღვევა  სამედიცინო მომსახურების ხარჯებს ანაზღაურებს, მან შეიძლება სრულად ვერ დაფაროს სიცოცხლისთვის საფრთხის შემქმნელი დაავადებების მკურნალობის ხარჯები. ამიტომ, ასეთ დროს, მნიშვნელოვანია კრიტიკული დაავადებების დაზღვევის არსებობა, ანაზღაურების მაღალი ლიმიტით. ასევე, ამ დაზღვევით მიღებულ ანაზღაურებას დაზღვეული საკუთარი შეხედულებისამებრ განკარგავს, არ არის საჭირო ჩვენთვის მკურნალობის დამადასტურებელი საბუთების წარმოდგენა.

დაზღვევის შესაძენად საჭიროა ქვემოთ ჩამოთვლილი დოკუმენტებიდან ერთ-ერთი:
- პირადობის მოწმობა
- ბინადრობის მოწმობა 
- პასპორტი

არსებობს ავთვისებიანი სიმსივნის პრე-ინვაზიური და ინვაზიური სტადიები.
პრე-ინვაზიური სტადია ნიშნავს, რომ სიმსივნე არ არის გაცდენილი იმ ორგანოს/ქსოვილს, რომელშიც მოხდა მისი წარმოქმნა და შესაბამისად არ აღინიშნება მისი გავრცელება  ამ ქსოვილის/ორგანოს გარეთ.
ინვაზიური სტადია ნიშნავს, რომ მიმდინარეობს სიმსივნის უკონტროლო ზრდა და შეღწევა გარშემო ჯანმრთელ ქსოვილებში და ორგანოებში.

თუ დაზღვეულს დაუდგინდა რომელიმე კრიტიკული დაავადება და მზღვეველმა გასცა სადაზღვევო ანაზღაურება, სიცოცხლის დაზღვევის დაფარვა და პოლისი ძალაში რჩება.
ამასთან, თუ გაიცა ანაზღაურება სიცოცხლის დაზღვევის ნაწილით, დაზღვევის მოქმედება წყდება.

თუ ანაზღაურება სადაზღვევო თანხის 100%-ის ოდენობით გაიცა დაზღვეულისშვილზე/შვილებზე, სადაზღვევო პოლისი აგრძელებს მოქმედებას, მაგრამ სადაზღვევოდაფარვა ამ კონკრეტული შვილის/შვილების მიმართებაში წყდება და არ ექვემდებარება განახლებას.
ამასთან, თუ ანაზღაურება 100%-ის ოდენობით გაიცა დაზღვეულზე, დაზღვევის მოქმედება წყდება.